• C. Mar 24th, 2023

Bashlibel.az

“Başlıbelin İnkişafına Dəstək” İctimai Birliyi

Bu gün şəhid Əliyev Habil Xəlil oğlunun anım günüdür

Yan 10, 2023

Əliyev Habil Xəlil oğlu. 1973-cü ildə Kəlbəcər rayonunun Başlıbel kəndində anadan olub. Orta məktəbi bitirdikdən sonra sovet ordusu sıralarında xidmət edib. Sonradan isə doğma rayonunun müdafiəsinə qoşulub. Kəlbəcər rayonu işğal olunduqdan sonra da xidmətini davam etdirib. Laçın və Kəlbəcər rayonunun müdafiəsində fəal iştirak edib. 1994-cü ilin qışında Kəlbəcərin azad olunması uğrunda gedən döyüşlərdə iştirak edib. Murov dağının sərt iqlim şəraitinə baxmayaraq, Azərbaycan əsgərləri Kəlbəcərin bir neçə kəndini işğaldan azad edə biliblər. Amma uğurlu başlayan bu döyüş əməliyyatı Azərbaycan əsgərlərinin mühasirəyə düşməsi ilə nəticələnib. Bu əməliyyatın uğursuz sonluğu onlarla Azərbaycan əsgərini həyatdan məhrum edib. Həmin əməliyyat zamanı şəhid olan Habil Əliyev Bərdə rayonu Xan Ərəb kəndində dəfn olunub. Allah bütün şəhidlərimizə rəhmət eləsin!

Bashlibel.az

One thought on “Bu gün şəhid Əliyev Habil Xəlil oğlunun anım günüdür”

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Open chat
Salam.
Sizə necə kömək ola bilərəm?