• C. İyl 19th, 2024

Bashlibel.az

"Başlıbelin İnkişafına Dəstək" İctimai Birliyi

Azərbaycanın Nümayəndə Heyəti ATƏT PA-nın illik sessiyasında iştirak edəcək

İyn 28, 2024

Loading

Milli Məclisin deputatları – ATƏT PA-da nümayəndə heyətinin rəhbəri Azay Quliyev, üzvləri Tahir Mirkişili və Tural Gəncəliyev ATƏT PA-nın “Mövcud təhlükəsizlik arxitekturasında ATƏT-in rolu: Parlament Perspektivi” mövzusunda keçiriləcək 31-ci sessiyasının işində iştirak etmək üçün iyunun 28-də Rumıniyanın Buxarest şəhərinə səfər edəcəklər. Musavat.com xəbər verir ki, bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.

Millət vəkilləri qurumun plenar iclasında, Daimi, Siyasi məsələlər və təhlükəsizlik, Demokratiya, insan hüquqları və humanitar məsələlər, İqtisadi məsələlər, elm, texnologiya və ətraf mühit komitələrinin yığıncaqlarında iştirak edəcəklər.

İyulun 1-də Azərbaycan nümayəndə heyətinin təşəbbüsü ilə yaradılmış İpək Yolu Qrupunun növbəti iclası keçiriləcək. İclas çərçivəsində “ATƏT PA-nın İpək Yolu Qrupu nə üçün vacibdir: Davamlı əlaqənin və yaşıl enerjiyə keçidin sürətləndirilməsi” mövzusunda dinləmələr keçiriləcək.

Deputatlarımız komitə və plenar iclaslarda ölkəmiz üçün aktual olan məsələlərlə bağlı çıxış edəcək, sessiyanın gündəliyində olan mövzulara münasibət bildirəcəklər.

Səfər iyulun 4-də başa çatacaq.

Bashlibel.az

Translate »