2020-ci il noyabrın 25-i xalqımızın yaddaşına sevinclə yazılan tarixi gündür. Möhtəşəm Zəfəri, qələbə sevincini xalqımıza yaşadan Müzəffər ordumuzun şəxsi heyətinin, xüsusilə də şəhidlərimizin, qazilərimizin və bütün müharibə iştirakçılarımızın igidliyi, qorxmazlığı, qəhrəmanlığı sayəsində azad edilən Kəlbəcərimiz artıq iki ildir ki,azad nəfəs alır. Əlbəttə illər ötəcək, hər il 25 noyabrı kəlbəcərlilər ,eləcə də bütün xalqımız qürurla, iftixarla qələbə tarixi kimi qeyd ediləcəkdir. Kəlbəcər rayonu təkcə kəlbəcərlilərin yox,eləcə
də respublikamızın bütün əhalisinin sevimli diyarıdır. Təsadüfi deyil ki, 70 illik sovetlər dövründə
Azərbaycanın 23 rayonundan kolxoz və sovxozların heyvandarlıq təsərrüfatları Kəlbəcər yaylaqlarında
bəslənilirdi.
Bir neçə il bundan qabaq Goranboyun Buzluq kəndində tanış olduğum Bərdə rayonunun
Hacallı kənd sakini Yusif İmanov uşaqlıq və gənclik illərini Kəlbəcər yaylaqlarında keçirdiyini bildirəndə,Kəlbəcər haqqında danışanda, Başlıbelin yaylaqları haqqında,eləcə də başlıbellilər haqqında
dəqiq məlumat verəndə,Kəlbəcər haqqında danışarkən göz yaşlarını saxlaya bilməyəndə məni yaman
təəccübləndirmişdi. Bu gün Yusif kişinin və onun övladlarının Kəlbəcərə olan sevgisi bir daha özünü
əyani şəkildə göstərdi. Yusif kişinin oğlu Firdovsi İmanov uzun illərdən bəri Kəlbəcərin azadlığı üçün
dediyi qurbanlıq cöngəni Kəlbəcərin azadlığının ikinci ildönümü günündə Kəlbəcərdəki “N” saylı hərbi
ildönümü günündə Kəlbəcərdəki “N” saylı hərbi hissədə kəsərək hərbi hissənin rəhbərliyinin yaxından
köməkliyi ilə rayon ərazısindəki bölmələrdə xidmət edən əsgərlərimizə çatdırılmışdır. Hərbi hissənin
rəhbərliyi Firdovsi İmanova təşəkkürünü bildirmişdir.
Allah kəsilən bütün qurbanları qəbul eləsin !
Arzumuz budur ki, Yusif kişi öz övladları ilə goğma Kəlbəcərimizdə doyunca gəzsin !
Oqtay SALAHLI
Allahın bu gününə çox şükür. Kəlbəcərin işğaldan azad edilməsinin 2-ci ildönümü münasibəti ilə adaşım Yusif kişinin bir daha Başlıbeli görməsi onun ən böyük arzusudur. Mən hələ Vətən Müharibəsindən əvvəl Buzluqda onunla çox söhbət etmişəm. Başlıbelin həsrəti ilə qovrulan bu ağsaqqala məndə böyük hörmət və rəğbət hissi yaranmışdır. Onunĺ da Dəlidağda öz yurdu var. Təxminən Dərə yurdda, ya Qaranın Yurdunda, yaxud da Çala-Çuxurda. Sağlıq olsun….
Qeyd edim ki, bu il avqustun 22-də mənə də Başlıbeldə cöngə qurban kəsmək, yuxuda gördüyüm rəhmətlik atamın vəsiyyətini yerinə yetirmək qismət oldu. Mən də kəsdiyim cöngənin ətinin çoxunu hərbi hissəmizə, əsgərlərimizə qurban payı verdim. Allah bütün qurbanlarımızı qəbul eləsin. Allah şəhidlərimizə rəhmət eləsin. Allahdan qazilərimizə can sağlığı arzu edirəm. Müzəffər Ali Baş Komandan İlhan Əliyevin rəhbərliyi altında Azərbaycan Ordusuna daha böyük qələbələr arzu edirəm. Yusif Salahov. Başlıbel kənd sakini.