ADA Universitetində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və ADA Universiteti İnkişaf və Diplomatiya İnstitutunun birgə təşkilatçılığı ilə 20-22 noyabrda “Layihənin idarə edilməsinin əsasları” təlimi keçirilib. Təlimlərə son illər yaranmış 100-ə yaxın QHT cəlb olunub. Başlıbelin İnkişafına Dəstək İctimai Birliyinin sədri Vüqar Həşimov təlimlərdə iştirak edib.
ADA Universitetinin prorektoru Fariz İsmayılzadə təlimçilərin xüsusi seçildiyini və 2 gün ərzində layihələrin planlaşdırılması, tətbiqi, icrasına nəzarət işlərinin təşkili, ümumən idarəedilməsi ilə əlaqədar QHT-lərin bilik və bacarıqlarının artırılması üçün unikal imkan yaradıldığını bildirib.
QHT-lərə Dövlət Dəstəyi Agentliyinin İcraçı direktoru Aygün Əliyeva yeni yaranan QHT-ləri fəal olmağa, yeni təşəbbüslərlə çıxış etməyə, Agentliyin elan etdiyi müsabiqələrdə iştiraka dəvət edib. O, Agentliyin bu layihə ilə QHT-lərə metodiki dəstək verdiyini bildirib.
Təlimin açılış mərasimində Prezident Administrasiyasının QHT-lərlə iş və kommunikasiya şöbəsinin nümayəndəsi Tural Əliyev, ADA Universitetinin təlimçiləri də iştirak edib.
Üç gün davam edən təlimin yekununda uğurlu nəticə göstərən QHT-lərə Agentliyin və ADA Universitetinin sertifikatları təqdim olunub. Sertifkat təqdim edilənlərdən biri “Başlıbelin İnkişafına Dəstək” İctimai Birliyinin sədri Vüqar Həşimov olub.
![](https://bashlibel.az/wp-content/uploads/2023/11/IMG-20231122-WA0061-1-1024x768.jpg)
![](https://bashlibel.az/wp-content/uploads/2023/11/IMG-20231122-WA0060-1-1024x438.jpg)
![](https://bashlibel.az/wp-content/uploads/2023/11/IMG-20231121-WA0012-1.jpg)
![](https://bashlibel.az/wp-content/uploads/2023/11/IMG-20231121-WA0013-1-768x1024.jpg)
![](https://bashlibel.az/wp-content/uploads/2023/11/IMG-20231122-WA0058-1-1024x771.jpg)
![](https://bashlibel.az/wp-content/uploads/2023/11/IMG-20231122-WA0056-1-768x1024.jpg)
![](https://bashlibel.az/wp-content/uploads/2023/11/IMG-20231122-WA0055-1-1024x771.jpg)
![](https://bashlibel.az/wp-content/uploads/2023/11/Screenshot_2023-11-22-19-03-59-791-edit_com.miui_.gallery-1024x743.jpg)
Bashlibel.az