• Ça. May 28th, 2024

Bashlibel.az

"Başlıbelin İnkişafına Dəstək" İctimai Birliyi

Başlıbelin yeganə itgin hərbçisi-29 il keçdi

Fev 8, 2023

Loading

Bu gün Başlıbel kəndindən olan Bəhmən Süleymanovun Kəlbəcər rayonunun azad olunması uğrunda döyüşlərdə itkin düşməsindən 29 il keçir. Süleymanov Bəhmən Ələkbər oğlu 1963-cü ilin dekabrında Kəlbəcər rayonunun Başlıbel kəndində anadan olub. Sovet ordusu sıralarında xidmət edib. Xabarovsk Politexnik İnstitutunun inşaat mühəndisliyi fakültəsində təhsil alıb. Həmin institutun xətti ilə 3 ay əlavə hərbi xidmət kursu keçərək leytenant rütbəsi alıb. Doğma torpaqlarımıza erməni hücumları şiddətlənəndə vətənin müdafiəsinə qalxıb. Milli ordu sıralarına qoşulub, zabit kimi 701 saylı hərbi hissənin tərkibində onlarla qanlı döyüşdə iştirak edib. Kəlbəcər rayonunun işğaldan azad olunması üçün 1994-cü ilin fevralında həyata keçirilən ikinci “Murov əməliyyatı”nda iştirak edib. 1994-cü il fevralın 8-də Kəlbəcər rayonunun Bağırlı və Bağırsaq kəndləri istiqamətində gedən döyüşlərdə itgin düşüb. Subay idi. Taleyindən bu günə qədər xəbər yoxdur. Bəhmən Süleymanov Başlıbel kəndindən yeganə itgin düşmüş hərbçidir.
Bashlibel.az

3 thoughts on “Başlıbelin yeganə itgin hərbçisi-29 il keçdi”
  1. Allah Şəhidimizə rəhmət eləsin!
    Rəhmətlik Bəhmənlə 1992- ci ildə,3 ay yaxından yoldaşlığım olub.Yaş fərqimiz olsada,cox səmimi,mehriban və olanları bölüşən insan idi . Onunla yanaşı,rəhmətlik Bəhmənlə bizim ev kənddə çəpər -çəpərə idi. Heyif o günlərə!
    Allah rəhmət eləsin cəmi Şəhidlərimizə!

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Translate »