• Ca. Apr 18th, 2024

Bashlibel.az

"Başlıbelin İnkişafına Dəstək" İctimai Birliyi

Ermənilər gizli yolla silahları BELƏ DAŞIYIRMIŞ – VİDEOSÜBUT

Mar 6, 2023

Loading

Xankəndi-Xəlfəli-Turşsu torpaq yolundan istifadə edilməklə Ermənistan Respublikasından hərbi ləvazimatların, silah-sursatın və şəxsi heyətin Rusiya sülhməramlı kontingentinin müvəqqəti yerləşdiyi Azərbaycan ərazilərinə daşınması barədə məlumatın yoxlanması məqsədilə Azərbaycan Ordusunun bölmələri UAZ markalı avtomobili saxlamağa cəhd göstərib.

Bashlibel.az “Caliber”ə istinadən xəbər verir ki, bu zaman UAZ maşınında olan erməni mənşəli şəxslər atəş açıb və əsgərlərimizdən ikisi şəhid olub. Cavab atəşi ilə erməni separatçı-terrorçulardan 3-ü yerindəcə məhv edilib, bir nəfər isə yaralanıb.

Erməni təbliğat maşını ötən gündən video yayaraq, guya həmin şəxslərin “artsaxın pasport-qeydiyyat şöbəsinin əməkdaşları” olduğu, maşında isə heç bir silah-sursat daşınmadığı haqda iddia paylaşırlar.

“Gördüyümüz kimi, silah daşınması gecə-gündüz həyata keçirilir və hər iki istiqamətdə nəqliyyatın hərəkəti müşahidə olunur. Belə ki, əgər ilk saniyələrdə Xankəndidən Ermənistan istiqamətində hərəkət görürüksə, 8 və 39-cu saniyələrdə Ermənistandan Xankəndiyə doğru hərəkət edir. 46-cı saniyədən – yenə Xankəndidən Ermənistana doğru hərəkət var. Üçtərəfli Bəyanata görə, Ermənistanla Azərbaycanın Qarabağ bölgəsi arasında yeganə əlaqə yolu Laçın yoludur. O yol da mülki yüklərin və mülki şəxslərin daşınmasına xidmət etməlidir. Ona görə də Bakı bu yol boyu rabitənin təhlükəsizliyinə zəmanət verməyi öhdəsinə götürür. Ermənistan ölkəmizə qarşı təcavüzkar işğalçılıq siyasətindən əl çəkmir, Azərbaycan ərazisindəki erməni silahlı birləşmələrini qaçaqmalçılıq yolu ilə qidalandırmaqda davam edir, nəticədə dünən hərbçilərimiz şəhid olub”, – məlumatda deyilir.

Bashlibel.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Translate »