Azərbaycan Yazıçılar Birliyinin üzvü, tanınmış el şairi Ələkbər Sönməz yeni şeirlər kitabını oxucularatəqdimedib.Bu məqsədlə aprelin 14-ü saat 14.00-da Azərbaycan Yazıçılar Birliyinin “Natəvan” klubunda şairin yeni kitabının təqdimatı və oxucularla görüşü keçirilib. Təbdirdə Azərbaycan Yazıçılar Birliyinin katibi, Mətbuat Şurasının sədri Rəşad Məcid, tanınmış ziyalılar, ictimai xadimlər, ədəbiyyat adamları, jurnalistlər, şairin həmyerliləri, gənclər iştirak ediblər. Şair Ələkbər Sönməzin yaradıcılığı haqda, həmçinin 1993-cü ilin aprelində Kəlbəcər rayonunun Ermənistan tərəfindən işğalından sonra bütün ailə üzvləri ilə birlikdə 113 gün Başlıbel ərazisində mühasirə həyatı yaşaması haqda maraqlı çıxışlar olub.
Qeyd edək ki, “Bu ömrü mən də belə yaşadım” adlı şeirlər toplusu şairin oxuculara təqdim etdiyi sayca 6-cı kitabdır. Bundan əvvəl şairin “Tarixin qan yaddaşı”, “Heydər baba, yurda qaytarın eli”, “Vətənə borcum qalır”, “Qayalarda qalan səs”, “Kəlbəcərə gedən yol” kitabları işıq üzü görüb.
Ələkbər Ələsgər oğlu Ələsgərov (Sönməz) 1948-ci ildə Kəlbəcər rayonunun Başlıbel kəndində seyid aləsində anadan olub. Şeir yazmağa orta məktəbdə oxuduğu illərdən başlayıb. Şeirləri müntəzəm olaraq dövri mətbuatda çap olunub. 1993-cü ildə Kəlbəcər rayonu erməni işğalçıları tərəfindən zəbt olunan zaman ailəlikcə mühasirəyə düşüb, dörd ay orada qalıb. Həmin vaxtlar ermənilərin törətdikləri vəhşilikləri öz gözləri ilə görüb. 30 nəfər insanın həyatını xilas edib. Şair mühasirədə qaldığı zaman işğalçıların törətdiyi vəhşilikləri “Tarixin qan yaddaşı” kitabında əks etdirib. Şəhid ailəsidir.
Bashlibel.az
Allah şairə uzun ömür versin.
Yaz,qardaşım, Allahdan sənə uzun ömür və qələminin daha da iti olmasını arzu edirəm. Hələ yazacağın çox şeylər var. Amma indiyə qədər gördüyün nəhəng işlərə yenə də əlavələr etməyini istəyirəm:
Zəhmət çəkib nə quyruqlar becərdik,
Heyf, barınmadıq şişəkdən, dayı….
Əziz Sönməz qardaşım, sənin yazdıqlarından mən heç vaxt doymadım. Xahiş edirəm ki, mənim təzə kitabımı da avtoqrafla birlikdə göndər. Hörmətlə:Yusif