Balacayev Rizvan Misir oğlu 1966-cı ildə Kəlbəcər rayonunun Başlıbel kəndində anadan olub. Orta məktəbi bitirdikdən sonra sovet ordusunda xidmət keçib. Kəlbəcərin işğalından xeyli müddət əvvəl Bakı şəhərinə köçərək orada işləyib. Amma doğma rayonu işğal olunduqdan sonra könüllü olaraq torpaqlarımızın müdafiəsinə qoşulub. 1994-cü il yanvarın 19-da Füzuli rayonu Seyidəhmədli kəndi uğrunda gedən döyüşlərdə şəhid olub. Yanvarın 21-də Bərdə rayonundakı Şəhidlər Xiyabanında dəfn olunub. Ailəli idi, bir övladı əmanət qalıb. Allah rəhmət eləsin.