2024/2025-ci tədris ili üçün ali təhsil müəssisələrinə qəbul imtahanlarında Kəlbəcər rayonunun Başlıbel kəndindən olan 26 gənc uğurlu nəticələr qazanaraq tələbə adını qazanıblar. Bu nəticə onun göstəricisidir ki, Başlıbelli gənclər doğma kəndlərinin əhalisinin təhsilə bağlılıq ənənəsini yüksək səviyyədə davam və inkişaf etdirirlər. “Başlıbelin İnkişafına Dəstək” İctimai Birliyinin İdarə Heyəti 2023-cü ildən başladığı ənənənin davam olaraq bu il də ali məktəbə qəbul olunan başlıbelli tələbələrin xüsusi “Təşəkkürnamə” və simvolik hədiyyələrlə təltif olunması qərarı verib. Sentyabrın 15-də Başlıbelin İnkişafına Dəstək” İctimai Birliyi Qaçqınların və Məcburi Köçkünlərin işləri üzrə Dövlət Komitəsində tələbələrin təltif edilməsi mərasimi keçirib. Tədbirdə Birliyin üzvləri, tələbələr, valideynlər, müəllimlər, Başlıbel kəndindən olan ziyalılar, alimlər iştirak ediblər. Tədbir vətənimizin azadlığı uğrunda canlarını fəda etmiş şəhidlərin xatirəsinin bir dəqiqəlik sükutla yad edilməsi ilə başladı.
“Başlıbelin İnkişafına Dəstək” İctimai Birliyinin sədri Vüqar Həşimov Azərbaycanda təhsilin Prezident İlham Əliyevin və 1-ci vitse-Prezident Mehriban Əliyevanın xüsusi diqqətində olan sahələrdən olduğunu qeyd edib. Tələbələri və vaildeynləri təbrik edən Birliyin sədri Başlıbel kəndindən 26 abituriyentin ali məktəblərə qəbul olmasının böyük nəticə olduğundan danışıb. V.Həşimov başlıbelli gənclərin qəbulda əldə etdiyi nəticələrin sevindirici olduğunu bildirib. Bu münasibətlə tələbələri, vaildeynləri və müəllimləri təbrik edən Birliyin sədri deyib ki, ali məktəbə qəbul olunanların 13 nəfəri oğlanlar, 13 nəfəri qızlardır. Qızların sayının qəbul olunanların yarısını təşkil etməsi xüsusi sevindirici nəticədir. Bu nəticə Başlıbel kəndinin əhalisinin qızların təhsilinə xüsusi yanaşdığını göstərir. V.Həşimov “Başlıbelin İnkişafına Dəstək” İctimai Birliyinin bu ənənəni hər il davam etdirəcəyini qeyd edib, Birliyin gənclərin təhsilinə gələcəkdə xüsusi diqqət ayıracağını söyləyib.
Sonra Başlıbel kəndindən olan müəllimlər, müxtəlif universitetlərdə çalışan alimlər, ziyalılar, vaildeynlər çıxış ediblər. Ağsaqqal müəllimlərdən Əkbər Sarıyev, ziyalılardan dosent Qalib Əbdüləliyev, alimlərdən Azərbaycan Dövlət İqtisad Universitetinin dosenti Ənvər Salahov, “Qarabağ” Universitetinin dekanı Hüseyn Mirzəyev, Bakı Mühəndislik Universitetinin dekan müavni Osman Mirzəyev, valideynlərdən tanınmış həkim Seymur Əsədov, Qurban Salahov, din xadimi Natiq Salahov, tanınmış həkim Qəşəm İsmayılov tələbələri təbrik edərək onlara tövsiyələrini veriblər. Başlıbel kəndinin ənənələrini daim qoruyub saxlamağın vacibliyini, dövlətimizin inşkiaşfı üçün bundan sonra da təhsillərində daha ciddi naliyyətlərə nail olmağın, ixtisaslarına mükəmməl yiyələnməyin zəruruliyini tələbələrin nəzərinə çatdıran natiqlər onlara uğurlar diləyiblər, həmçinin “Başlıbelin İnkişafına Dəstək” İctimai Birliyinə tələbələrə göstərdiyi diqqətə və təşkil etdikləri tədbirə görə təşəkkürlərini çatdırıblar. Vaildeynlər bildiriblər ki, Birliyin və Başlıbelin nüfuzlu müəllimlərinin, alimlərinin diqqəti, tövsiyələri gənc tələbələrə əlavə stimuldur.
Sonra tələbələrə xüsusi “Təşəkkürnamə” və simvolik hədiyyələr təqdim olunub.
Bashlibel.az saytı bizlərə qürur hissi yaşadan tələbə adını qazanan gənclərin siyahısını təqdim edir:
1.Əsədli Həsən Aqil oğlu
2.Mehdizadə Gulay İntiqam qızı
3.Məmmədli Mirməhəmməd Saməddin oglu
4.Əlizadə Ayşən Elxan qızı
5.Ağazadə Aytən Yalcın qızı
6.Həmidov Sübhan Seymur oğlu
7.Salahlı Sadiq Natiq oğlu
8.Muxtarova Nərmin Təyyar qızı
9. Həmidli Aysu Eldəniz qızı
10. Balacazadə Kənan Sahib oğlu
11.Həsənov Xanlar Müzəffər oğlu
12. Məmmədova Cəmilə Nazim qızı
13.Əzimli Ayxan Şikar oğlu
14. Mirzəyev Rövşən Hafiz oğlu
15.Qədimli Məhəmməd Mahir oğlu
16.Salahova Nərminə Şahmar qızı
17.Salahov Yusif Əlizamin oğlu
18.Balacayeva Şəlalə Ruhid qızı
19.Mirzə Şənay Hüseyn qızı
20.Mehdiyeva Sabrina Telman gızı
21. Muxtarov Pərvin Asəf oğlu
22. Səmədzadə Elşən Bəhruz oğlu
23. Salahova Lalə Məhərrəm qızı
24. Tağızadə Şəfa Faiq qızı
25. Mirzəzadə Nihad Gündüz oğlu
26. Salahova Aysun Xəzər qızı
“Başlıbelin İnkişafına Dəstək İctimai Birliyi” tələbələri təbrik edir, onlara gələcək təhsillərində müvəffəqiyyətlər arzulayır.
Bashlibel.az
