• Ç. Apr 17th, 2024

Bashlibel.az

"Başlıbelin İnkişafına Dəstək" İctimai Birliyi

Gələn il azad olunmuş ərazilər üçün ayrılan vəsaitin hansı istiqamətlərdə xərclənəcəyi məlum olub

Okt 30, 2023

Loading

“İşğaldan azad olunmuş ərazilərin yenidən qurulması və bərpası” tədbiri xərclərinə 2024-cü ildə 3825,0 mln. manat vəsaitin ayrılması nəzərdə tutulub ki, bu da 2023-cü ilin təsdiq edilmiş göstəricisindən 975,0 mln. manat və ya 20,3% azdır.

APA-Economics” xəbər verir ki, bu, Hesablama Palatasının “2024-cü ilin dövlət büdcəsi haqqında” qanun layihəsinə rəyində əksini tapıb.
Həmin vəsaitin 3316,3 mln. manatı infrastruktur təyinatlı layihələrin tikintisinə, yenidən qurulmasına (avtomobil yollarının yenidən qurulmasına 2725,1 mln. manat, yeni yaşayış komplekslərinin layihələndirilməsi və tikintisi işlərinin aparılmasına 258,2 mln. manat, meliorasiya tədbirlərinin icrasına 131,2 mln. manat, dəmir yollarının yenidən qurulmasına 98,9 mln. manat, kommunal infrastrukturun bərpasına 63,5 mln. manat, kadastr xidmətlərinin həyata keçirilməsinə 3,7 mln. manat , bərk məişət tullantıları infrastrukturunun yaradılmasına 1,4 mln. manat və digər infrastruktur layihələrinin icrasına 34,3 mln. manat), 51,0 mln. manatı ərazilərin minalardan təmizlənməsinə, 34,5 mln. manatı sosial təyinatlı layihələrin (təhsil, səhiyyə, mədəniyyət və bu kimi digər sosial tədbirlərə), 27,9 mln. manatı isə digər tədbirlərin icrasına yönəldilib.

Aparılmış təhlillər, eləcə də əvvəlki və cari ilin büdcə icrası prosesində müvafiq istiqamətdə xərclərə dəyişikliklərin edilməsi təcrübəsi və büdcə-vergi siyasətinin istiqamətləri ilə bağlı məlumatlar növbəti ildə də müvafiq məsələnin aktual olacağı barədə qənaətə gəlməyə imkan verir.

Qeyd edək ki, 2024-cü il üzrə “İşğaldan azad olunmuş ərazilərin yenidən qurulması və bərpası” tədbiri xərclərinin təhlili bu xərc üzrə artım istiqamətində düzəlişlərin və ya icra prosesində digər xərc istiqamətlərindən qənaətin yönəldilməsi ehtimalının yüksək olduğunu deməyə imkan verir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Translate »