Ağdam, Cəbrayıl, Füzuli və Zəngilandan sonra Kəlbəcər rayonunda da Zəfər və İşğal muzeyləri yaradılır. 2022-ci ilin iyun ayının 26-da Prezident İlham Əliyev tərəfindən təməli qoyulan muzeyin inşası hazırda davam etdirilir. Gələn ilin ikinci yarısında muzey kompleksinin tikintisinin başa çatması gözlənilir. Artıq Zəfər və İşğal muzey kompleksinin tikintisinə başlanılıb. 2023-cü ilin ikinci yarısında muzeyin tikintisinin başa çatması gözlənilir. Burada Zəfərlə yanaşı, işğal dövrü ilə bağlı eksponatlar da sərgilənəcək. Cənab Prezident təməlqoyma mərasimində qeyd etdi ki, nə qədər qələbə qazansaq da, işğal dövründə yaşananların unudulmaması üçün mütləq işğal muzeyi də olmalıdır. Beləliklə, bu muzeyin adı İşğal və Zəfər muzeyi adlanır.
Muzeyin tikintisi başa çatdıqdan sonra insanların portal vasitəsilə icazə almaqla muzeyi ziyarət etmələri mümkün olacaq. Vətəndaşlar ilk olaraq, işğal dövründə yaşananları özündə əks etdirən eksponatlarla tanış olacaqlar. Eyni zamanda, Vətən müharibəsi zamanı əldə edilən hərbi qənimətlərə dair eksponatlar sərgilənəcək.
Bashlibel.az
Allahın köməkliyi ilə Kəlbəcər daha da gözəl olacaq. Quruculuq və bərpa işləri Ali Baş Komandan İlham Əliyevin rəhbərliyi və nəzarəti altında daha geniş vüsət alacaq. Qoy dost sevinsin, düşmən isə xar olsun. Qarabağ Azərbaycandır. Allah şəhidlərimizə rəhmət eləsin.